Karonavirus qorxusu adi etiket qaydalarına da təsir edib. Belə ki, dünyanın nüfuzlu liderləri rəsmi görüşlərdə məsafəli davranmağa, əl görüşməməyə diqqət edirlər.

Məsələn, İspaniya kralı 6-cı Filipp və kraliça Letisiya Fransaya səfər edib. Qonaqları Fransa lideri Emmanuel Makron və xanımı Bricit Makron qarşılayıb. Lakin onlar karonavirus səbəbindən bir-birlərinə əl uzatmayıblar. Xanım Makron isə kraliçanı hava opüşü ilə salamlayıb.

Türkiyə Prezidenti Rəcəb Tayyip Ərdoğanın da korona tədbirləri davam edir. Ərdoğan martın 11-də Prezident Kompleksində Albaniya, Moldova və Brazilya səfirlərini qəbul edərkən, onlarla salamlaşmaqdan imtina edib. Belə ki, Ərdoğan ona təqdim edilən etibarnamələri alarkən, əlini ürəyinin üstə qoyaraq, "korona salamı" verib. Bundan başqa, NATO Baş katibi Stoltenberq martın 9-da Brüsseldəki mətbuat konfransında Ərdoğanın əlini sıxmağa hazırlaşarkən, Prezident Ərdoğan əlini çəkib və "korona"nı xatırladıb. Onun bu hərəkəti Stoltenberq və tamaşaçılar tərəfindən alqışla qarşılayıb. Ərdoğan həmçinin virus səbəbindən xalqına səslənərək, əllə salamlaşmamağı tövsiyə edib.

Daha ətraflı Axar TV-nin süjetində: